ဆီးချို ရောဂါဆိုတာ
ဆီးချိုရောဂါဆိုတာက ခန္ဓာကိုယ်က အင်ဆူလင်ကို ကောင်းကောင်းမထုတ်လုပ်နိုင်တာ၊ ကောင်းကောင်းမတုံ့ပြန်နိုင်တာကြောင့် ဖြစ်တဲ့ ပုံမှန်ထက်သွေးတွင်းသကြားမြင့်တက်နေတဲ့ရောဂါတစ်ခုပေါ့။ ပုံမှန်အားဖြင့်တော့ ပန်ကရိယက စားသုံးလိုက်တဲ့အစားအစာထဲက အချိုဓာတ်နဲ့အဆီဓာတ်တွေကို ချေဖျက်ပေးဖို့ အင်ဆူလင်ကိုထုတ်ပေးပါတယ်။ ဆီးချိုဖြစ်တဲ့အခါ ပန်ကရိယက အင်ဆူလင်ကို နည်းနည်းပဲထုတ်ပေးတာ ဒါမှမဟုတ် အင်ဆူလင်ကို လုံးဝမထုတ်ပေးတော့တာမျိုးဖြစ်နိုင်ပါတယ်။ နောက်ဖြစ်နိုင်တဲ့အချက်တစ်ချက်က ခန္ဓာကိုယ်က အင်ဆူလင်ကို မတုံ့ပြန်တော့တာမျိုးဖြစ်နိုင်ပါတယ်။ အခုချိန်ထိတော့ ဆီးချိုရောဂါကို ပျောက်ကင်းအောင် ကုသလို့မရသေးပါဘူး။ ဆီးချိုရှိသူတွေအနေနဲ့ ကျန်းကျန်းမာမာနေဖို့ဆိုရင် အနေအထိုင် အစားအသောက်တွေကို သေချာဂရုစိုက်ဖို့လိုပါမယ်။ဆီးချိုရောဂါ အမျိုးအစားများ
- ဆီးချိုအကြိုလက္ခဏာ – ပုံမှန်ထက်သွေးတွင်း သကြားဓာတ်မြင့်တက်နေတဲ့ အခြေအနေ
- အမျိုးအစား (၁) ဆီးချိုရောဂါ – ခန္ဓာကိုယ်က အင်ဆူလင်မထုတ်နိုင်တဲ့အခြေအနေ
- အမျိုးအစား (၂) ဆီးချိုရောဂါ – ခန္ဓာကိုယ်က အင်ဆူလင်ကို လုံလောက်အောင် မထုတ်နိုင်တာ (သို့မဟုတ်) အင်ဆူလင်လုံးဝမထုတ်နိုင်တာ
နေ့စဉ်မပျက်မကွက်လုပ်သင့်တာက သွေးတွင်းသကြားဓာတ်ကို တိုင်းတာပြီး ကျန်းမာရေးနဲ့ ညီညွတ်မျှတအောင်စားသုံးတာ၊ ကိုယ်လက်လှုပ်ရှားမှုလုပ်တာလိုမျိုးတွေကိုတော့ ဂရုတစိုက်လုပ်ဆောင်ဖို့လိုအပ်ပါမယ်။ ဒါမှလည်း သွေးချို ဆီးချိုကြောင့်ဖြစ်လာနိုင်တဲ့ နောက်ဆက်တွဲရောဂါတွေကို ကာကွယ်နိုင်မှာပါ။ ဆီးချိုဝေဒနာရှင်တွေအနေနဲ့ သွေးတွင်းသကြားဓာတ်ကို သေချာဂရုမစိုက်ဘူးဆိုရင် ခန္ဓာကိုယ်မှာရှိတဲ့ သွေးကြောလေးတွေ တဖြည်ဖြည်းနဲ့ပျက်စီးလာပြီး အချိန်ကြာလာတာနဲ့အမျှ ခြေလက်တွေက အာရုံခံစားသိရှိမှုနည်းလာတာ၊ အမြင်အာရုံဆုံးရှုံးတာ၊ ကျောက်ကပ်ပျက်စီးတာ၊ လေဖြတ်တာ၊ နှလုံးရောဂါခံစားရတာတွေဖြစ်လာနိုင်ပါတယ်။
ဆီးချိုသမားတွေအတွက် သင့်တော်မယ့် စားသောက်မှုပုံစံက
ခန္ဓာကိုယ်မှာ သင့်တင့်တဲ့ အာဟာရဖြည့်တင်းမှုက မဖြစ်မနေလိုအပ်မှာပါ။ ဒါကြောင့် ကျန်းမာရေးနဲ့လည်း ညီညွတ်ပြီး လိုအပ်တဲ့ အာဟာရဓာတ်တွေ ပြည့်ဝဖို့ဆိုရင် ဆီးချိုရှိသူတွေအနေနဲ့ အခုလိုမျိုးစားသုံးပေးပါ။ကစီဓာတ်
ခန္ဓာကိုယ်က ကစီဓာတ်ကို မဖြစ်မနေလိုအပ်မှာပါ။ ဒါကြောင့်
- ဆန်လုံးညို
- ကွေကာအုတ်
- မီးကင်ထားတဲ့ ကန်စွန်းဥ
- ဂျုံကြမ်းပေါင်မုန့်တို့စားသုံးပေးပါ။
ဟင်းသီးဟင်းရွက်တွေကနေ အမျှင်ဓာတ်နဲ့ အခြားသောဗီတာမင်တွေကို ရရှိနိုင်ပါတယ်။
- လတ်ဆတ်တဲ့ ဟင်းသီးဟင်းရွက်တွေကို ရေလုံပြုတ်စားတာ၊ မီးကင်စားတာလိုမျိုးစားသုံးပေးလို့ရပါတယ်။
- အစိမ်းရောင်ရှိတဲ့ အသီးအရွက်တွေဖြစ်ကြတဲ့ ကိုက်လန်၊ ဆလတ်ရွက်၊ ဟင်းနုနွယ်လိုမျိုး အသီးအရွက်တွေ စားသုံးပေးလို့ရပါတယ်။
- ဆားပါဝင်မှုနည်းတဲ့ ဒါမှမဟုတ် အငန်ဓာတ်လုံးဝမပါဝင်တဲ့ ဆီသွတ်ထားတဲ့ ဟင်းသီးဟင်းရွက်တွေစားသုံးပေးလို့ရပါတယ်။
ဟင်းသီးဟင်းရွက်တွေလိုမျိုး အမျှင်ဓာတ်နဲ့ ဗီတာမင်နဲ့ သတ္တုဓာတ်တွေကို ရရှိစေနိုင်ပါတယ်။
- လတ်ဆတ်တဲ့ သစ်သီးတွေ
- အချိုဓာတ်နည်းတဲ့ ဆီသွတ်ထားတဲ့ သစ်သီးတွေ
- အချိုမပါတဲ့ သစ်သီးယိုတွေ
- အချိုမပါတဲ့ သစ်သီးခြောက်တွေ
- အချိုမပါတဲ့ သဘာဝသစ်သီးဖျော်ရည်တွေကိုစားသုံးလို့ရပါတယ်။
ဒါကလည်း ခန္ဓာကိုယ်ကျန်းမာသန်စွမ်းဖို့လိုအပ်တဲ့ ဓာတ်တစ်မျိုးပေါ့။ ပရိုတင်းကို အမဲသား၊ ကြက်သား၊ ဝက်သား၊ ငါး၊ ကြက်ဆင်သား၊ ပဲအမျိုးမျိုး၊ ချိစ်၊ဥအမျိုးမျိုး၊ အခွံမာသီးတွေ နဲ့ ပဲပြားတို့ကနေရရှိနိုင်ပါတယ်။ ဒါပေမယ့် ဆီးချိုသမားတွေအနေနဲ့ကတော့
- အပင်ကနေရရှိတဲ့ ပရိုတင်း
- ငါးနဲ့ ပင်လယ်စာတွေကနေရရှိတဲ့ ပရိုတင်း
- ကြက်သားကနေရရှိတဲ့ ပရိုတင်း (ကြက်သားစားတဲ့အခါ အရေခွံလုံးဝမစားပါနဲ့)
- ဥအမျိုးမျိုးနဲ့ အဆီပါဝင်မှုနည်းတဲ့ နို့နဲ့ နို့ထွက်ပစ္စည်းတွေကနေရရှိတဲ့ ပရိုတင်းတွေက အသင့်တော်ဆုံးပါ။
ဒီဓာတ်တွေက ဆီးချိုသမားတွေနဲ့ သိပ်မသင့်တော်ပေမယ့် ခန္ဓာကိုယ်အတွက်တော့ လိုအပ်ပါတယ်။ ဒါကြောင့် သင်ကဆီးချိုရှိမယ်ဆိုရင်
- ဟင်းသီးဟင်းရွက်ကနေရတဲ့ အဆီ ( အခွံမာသီး၊ အစေ့အဆန် နဲ့ ထောပတ်သီးကနေရရှိတဲ့ အဆီတွေ)
- ဆယ်လ်မွန်၊ တူနာ နဲ့ မက်ကာရယ်တို့ကနေရရှိတဲ့ Omega-3 fatty acids
- အပင်ကနေရရှိတဲ့ အဆီ ( စပျစ်သီးစေ့အဆီ၊ သံလွင်ဆီ) တို့စားသုံးပေးလို့ရပါတယ်။
- ရေ
- အချိုမပါတဲ့ လက်ဖက်ရည်
- လီမွန်တီး (အချိုမပါ)
- ဝိုင်အနည်းငယ်
- ကော်ဖီကြမ်း တို့ကိုသောက်ပေးလို့ရပါတယ်။ နို့ဆီ၊နို့စိမ်း၊နို့စိမ်း နို့မှုန့်တို့နဲ့ ဆိမ့်နေအောင်ဖျော်ထားတာမျိုးတော့ မသောက်ပါနဲ့။
ဆီးချိုဝေဒနာသည်တွေနဲ့ သင့်တော်တဲ့ နောက်ထပ် အာဟာရဓာတ်တစ်မျိုးက Whey protein ပါ။ ဒီအာဟာရဓာတ်မှာ L-Cysteine လို့ခေါ်တဲ့ အမိုင်နိုအက်ဆစ်ကြွယ်ဝစွာပါဝင်နေသလို သွေးတွင်းက အကျိုးမပြုတဲ့ ကိုလက်စထရောပမာဏကို ကျဆင်းစေပြီး အင်ဆူလင်ထုတ်လုပ်မှုကို တိုးတက်ကောင်းမွန်စေနိုင်ပါတယ်။ Whey protein ရဲ့ အားသာချက်က အဆာခံစေပြီး ရောင်ရမ်းမှုကိုလျော့ပါးသက်သာစေနိုင်ပါတယ်။ ဒါကြောင့် ဆီးချိုရှိသူတွေအနေနဲ့ လိုအပ်တဲ့ အာဟာရဓာတ်တွေပြည့်ဝပြီး ကျန်းမာနေစေဖို့အတွက် Whey protein ကမေ့ထားလို့ မဖြစ်တဲ့ အာဟာရဓာတ်တစ်ခုပါ။ Whey protein ကို နို့နဲ့ နို့ထွက်ပစ္စည်းတွေကနေရရှိနိုင်တယ်ဆိုပေမယ့် အပြည့်ဝဆုံးနဲ့ အကျိုးရှိဆုံးရရှိနိုင်တဲ့နည်းလမ်းကတော့ Glucomeal ဖြည့်စွက်စာပါ။ Glucomeal မှာဆိုရင် အကျိုးပြုကိုလက်စထရော၊ L-Cysteine လို့ခေါ်တဲ့ အမိုင်နိုအက်ဆစ်၊ Glutathione လို့ခေါ်တဲ့ ဓာတ်တိုးဆန့်ကျင်ပစ္စည်းတွေကြွယ်ဝစွာပါဝင်နေတာကြောင့် တစ်မျိုးတည်းနဲ့ လိုအပ်တဲ့ အာဟာရတွေ အပြည့်အဝရရှိစေမှာပါ။ ဒါတွေတင်မဟုတ်ပါဘူး။ ခန္ဓာကိုယ်အတွက် မရှိမဖြစ်လိုအပ်တဲ့ ပရိုတင်းဓာတ်တွေ၊ ဗီတာမင်နဲ့ သတ္တုဓာတ်တွေအပြင် ခန္ဓာကိုယ်ကို ခွန်အားဖြစ်စေတဲ့ Palatinose တို့ပါဝင်နေပါသေးတယ်။ ဆီးချိုရောဂါသည်တွေအတွက် အင်ဆူလင်ထုတ်လုပ်မှုကို တိုးစေတာ၊ အင်ဆူလင်ကိုအကျိုးရှိစွာ အသုံးချစေနိုင်တာနဲ့ အဆာခံစေနိုင်တာတွေက သူ့ရဲ့အကောင်းဆုံးအားသာချက်တွေဖြစ်ပါတယ်။
ရေးသားသူ Aye Thi Mon ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win.
Credit....... https://hellosayarwon.com........
Comments
Post a Comment